Gen Trio um te insjtallere? Vur de Sociëteit Oeles Prinse (SOP) en de Vereinigde Oeles Adjudante (VOA) waas det gen beletsel um wie jidder jaor op de letste zôndig van oktoëber same te kômme. Ein gezelsjap van miër as 100 hiëre in sjmoking en eur partners, haet in eine sjfeervollen aangekleijde Harmeniezaal genaote van ein koddig programma. Met ein sjpesjale aaflevering van ‘t bekende Vlaamse tillevisieprogramma ‘Jambers’ en de ‘maiden speech’ van Thijs Konings, as nieje veurzitter van de VOA, as hoëgtepunte. Eine sjoëne en sjieke opmaot nao de aöpening van ‘t vastelaovessezoén 2022-2023!