Welkom beej Vastelaovesgezelsjap D'n Oeles, umdet Tegele ôs leef is!
"Umdet Tegele ôs leef is!"
In Memoriam: Frank Rijks
Sociale media

Op de hoëgte blieve van nieje ontwikkelinge, producten of entree-j kaertjes?
Volg ôs op sociale media!

Dônderdaág 16 jannewarie jl. is Oeleslid Frank Rijks op eine vuëls te jonge laeftiéd van 32 jaor euverleeje. Hae waás al bekans twië jaor krank.

In 2008 is Frank lid gewaore van D’n Oeles en waal beej Oeles Toekoms. Ein klöp binne D’n Oeles die mei-j door Frank zienen inzet ônmisbaar is gewaore. Met vuël entoezjasme, lol, plezeer maar ziër zeker auch zien geveul vur kasjet en motivasie-j wis hae zienen eigen drei-j aan de Vastelaovend te gaeve.
Frank had ein hiel groët hert vur de jeug en auch zeker vur de jeugprinse met eur adjudante as auch de dansmarietjes, welke in zien deensjaore beej Oeles Toekoms veurbeej zien gekômme. Volledig toegelag en zorgzaam op zien eige wiés. Met zien markante sjtum waas hae euveral beej en ging niks naeve öm aaf.

Auch nao Oeles Toekoms waas Frank same met Laurien, zien vrouw welke hae in zien oetgaonsjaore beej D’n Oeles haet liere kenne, eine dök gezeene gast dae zich bleef inzette vur de vastelaovend.
Zoë waas hae aktief lid binne de jeugkemmissie wao hae achter de sjerme diverse werkzaamhede verrichte. Al zien ideeën, inzet en gezelligheid gaon weej enorm misse.

Met hiel vuël verdreet en ongeluif nimme weej aafsjiéd van Frank.
Weej winse zien vrouw Laurien, eur elders, familie, vrinde en auch de vuële bekende die Frank in eur hert hebbe gesjlaote, bizonger vuël sjterkte met ‘t verleés van dezen unieke en veural ziër leefdevolle mins.

Besjteur en leeje VG D’n Oeles.