Zôndig 17 november jl. is aad Oelesprins Sef Houba euverleeje. Sef waas al geruume tiéd met zien gezôngkheid ‘nt sukkele. In 1979 woord Sef-II Houba prins van ’t Tegelse Oelesriék.

Same met zien twië adjudante Pierre Bongartz en Lou Janssen vormde zeej in 1979 ’t Oelestrio ônger ‘t motto “Haaj op met ‘t gesjnater, gaef de buim maar dreej daag water”. Dit Oelestrio kwaam det jaor oét gemingk koër Zanglust i.v.m. eur jubileum in det jaor.

Sef Houba waas auch vuële jaore ein van de houfrol sjpeulers en zengers oét de legendariese Oelesrevues tösse 1980 en 1988. Daonaevebeej haet Sef tientalle bekende Tegelse vastelaovessjlagers gezonge die op diverse vastelaoves Lpees en Cdees opgenaome. Dink heejbeej aan “Jao dét is Tegels”het slot lied nao jddere Tegelse revue, “Tegels Plat” “De sjeive tore van Pisa”  ” ‘N kink van doezend waeke” um er maar ein paar te beneume.

De dierbare euverledene is 89 jaor gewaore.
Weej winse zien vrouw Trees, de kinger en euverige femilielede bizônger vuël sjterkte toe met dit groëte verlees.

Names, Vastelaovesgezelsjap D’n Oeles,
Sociëteit Oeles Prinse
Vereinigde Oeles Adjudante.