27 & 28 Februari

Buute gala 2019


Vastelaovesgezelsjap D’n Oeles.

Wins alle minse van tegele en umstreeke en eur sjponsore

Hiële fijne fiésdaag toe en ein knallend 2019

Twië kiër Bronze Kommandeursjap oétgereik.

Zaoterdaag 17 november jl. vông de jaorlikse interne äöpening plaats van Vg. D’n Oeles. Vur ’t iërs woort dit gehaa-je in ’t Limburgs Sjötterie-j Museum op Sjteyl.

Nao ’t welkomswaord woort d’r aafsjiéd genaome van aad-veurzitter Roland Truijens. De Oelesprins van 2008 waas vief jaor preses van ’t gezelsjap. Truijens woort nogmaals bedank vur al zien werk en ôntving ’t Bronze Kommandeursjap. Vanoét de Samewirkende Limburgse Vastelaovesvereiniginge (S.L.V.) woort-e auch speesjaal gedekoreerd.

Vervolges woort de op de jaorvergadering van 1 oktoëber toet niej-je veurzitter gekaoze Cor Jansen formeel geïnstalleerd d.m.v. de veurzittersplaquette. Zien iërste taak waas ‘t, um de gestopde besjteurslede René Boermans en Han Peters in ’t zunke te zette. Boermans, dae maar leefs elf jaor sikkertaris waas, kreeg net as Truijens ’t Bronze Kommandeursjap. Daonao installeerde Cor de hiër Jo van der Velden as de niej-je Besjermhiër door middel van ein goude sjteek en ’n oorkonde.

Naeve ’t iërbetoën rôngkum vurneumde persoëne, waas ’t vervolges de beurt um van minse aafsjiéd te neme en netuurlik taeves niej-je lede welkom te heite beej de diverse geledinge van ’t Gezelsjap. Met name beej de Dansgarde, Oeles Toekoms en Tegels Blood. Bizôngere aandach vur ’t aafsjiéd van Erwin Hermans, dae tig jaor kemmissie-j veurzitter waas van de Dansgarde. In totaal woorte nege jubilarisse in ’t zunke gezatte. Karina Janssen (zilvere hengerke), Peter Meijboom, Luuk Peters, Ruud Munten, Werner Bloemen, Geert Bongaerts en Han Peters (allen zilveren speld) woorte gehuldig waeges ‘t 11-jarig lidmaatschap. Umdet-e 33 jaor lid is ôntving Léon Goossens de gôlde sjpeld met saffier. En Toën Smeets kreeg vanwaege zien 4 x 11-jaorig lidmaatsjap de gôlde sjpeld met robijn opgesjpeld.

Sins vurrig jaor haet D’n Oeles wir ein eige Prinsegarde. Tiédens dees äöpening woord Jochem Gommans geïnsjtaleerd as Gardis. Binne de Raod van Elf ware d’r taeves ingkele mutaasie-js. Zoë noom Rob van Aanholt aafsjiéd en kreeg-e as dank vur de vuële jaore Raodslidmaatsjap ’t Gôlde Oeleskruuts. Pascal Hermans en Rob Verlinden make nôw deil oét van de Raod en zeej woorte geïnstalleerd met ‘nne zilveren Oeles.

De letste dreej manne die tiédens de gezellige interne äöpening in de spotlights sjtônge, waas ’t Oelestrio 2018 ônger leiding van Jubileumprins Don-1, beejgesjtaon door zien Adjudante Thijs Konings en Robert Schouwenberg. De dreej hiëre ôntvinge ein waerdig Oeleskruuts. Met ‘nnen act door ’t Trio woort dit sjieke evenement op ludieke meneer aafgesjlaote.

 Kiek heej vur alle foto's. (foto's: Jos Verbong)


Aangesjlaote beej

Logo SLV nieuw 

Volg ôs