Oeles Buute Gala 2020.

Dreej aovende giere en brulle
met o.a. Fer Naus, Boy Janssen, Bas van Neer

Opname Oelestrio 2019 in SOP en VOA

Zôndaag 27 oktoëber 2019 waas ‘t aan de oevers van de Maas gelaege Jochumhof op Sjteyl alwir ’t dekor veur de euverdrach van ’t Oelestrio anno dit jaor nao de Sociëteit Oeles Prinse (SOP) en de Vereinigde Oeles Adjudante (VOA).

Nao het äöpeningswaord door veurzitter Cor Jansen van Vg. D’n Oeles hadde preses Maurice Houba sr. van de SOP en de ceo van de VOA, Frank Rijvers, de iër um de tig aanwezige vurmalige prinse en adjudante en alle angere aanwezige toe te sjpraeke en aan ’t lache te kriége met de sjieke speeches, vural gerich aan Prins Marcel II van Lier en zien Adjudante Peter Fokkens en Leon van Deur.

Vervolgens woorte de hiëre opgenaome in de twië gezelsjappe. Ze woorte gedekoreerd met ’t ôntzettend begeerde SOP- c.q. VOA-kruuts en daomei-j toet in lengte van jaore verbônge aan allebei die vereiniginge.

De orizjineele ôngersjei-jinge woorte nag vergezeld van persuënlikke oorkondes. De dreej sjarmante maedjes van ’t trio kreege netuurlik ’n sjoën boeket bloome.

Nao ’t offisjeele gedeilte waas ’t nag ein erg gezellig samezien ônger ’t genot van ’n hepke en ’n drenkske in dit sjilderechtige restaurant op Sjteyl.

sopvoa 1

Klik heej vur mier foto's   Foto's: Jos Verbong

 


Aangesjlaote beej

Logo SLV nieuw

NEG logo Def

Winkelmendje

De winkelwagen is leeg