Oeles Buute Gala 2020.

Dreej aovende giere en brulle
met o.a. Fer Naus, Boy Janssen, Bas van Neer

Oeles Buuttegala van twië nao dreej aovende

‘t Oeles Buuttegala wuërdt oétgebreid. Vanwaege de enorme vraog nao kaarte, kump d’r eine derden aovend beej. Daodoor äöpent paviljoen “’t Witte Hoés” volgend jaor al op d’n dinsdaag.

De inmiddels negende edisie-j van d’t Buuttegala vingk in 2020 plaats op 18, 19 en 20 fibberwarie. De deure van ’t vastelaovespaviljoen op ’t Wilhelminaplein gaon um 19.11 oor aope en ’n oor later bars ’t sjpektakel al los.

Toppers as Bas van Neer, Fer Naus, Boy Jansen en Marlon Kicken bringe de bezeukers wir aan ’t lache. De muzikale act in de pauze wuërdt dit kiër verzorg door ’t Tegelse duo Thei & Marij, det dit seizoén zien 3x11 jaorig artieste jubilee-jum viert en zaoterdaag 2 november jl. nag woort geridderd door d’m burgemeister. ’t Blief nag efkes ’n verrassing, wae dit evenement geit presenteere.

In de afgeloope jaore waas ‘t Buuttegala sjteevas al maonde van teveure oétverkoch. Wao en wie kaarte verkriégbaar zien, wuërdt bekend gemak in ’t vernie-jde Vastelaoves-journaal det kômmende daag hoés-aan-hoés in de breevebös velt.


Aangesjlaote beej

Logo SLV nieuw

NEG logo Def

Winkelmendje

De winkelwagen is leeg