Oeles Buute Gala 2020.

Dreej aovende giere en brulle
met o.a. Fer Naus, Boy Janssen, Bas van Neer

Gé Cornet Iëre-vors D’n Oeles

Op zaoterdaag 17 november jl. vông de jaorlikse interne äöpening plaats van Vg. D’n Oeles. Vur ’t twiëde jaor op rie-j woort det gehaaj-je in ’t Limburgs Sjötterie-j Museum op Sjteyl. Tiédens dezen aovend sjtông de wisseling van de Vors en Seremoniemeister centraal, waobeej Gé Cornet unaniem woort beneump en geiërd as Iëre-Vors.

Nao ’t welkomswaord woort d’r sjtil gesjtaon beej de twië vurneumde wisselinge. Allleriërs trooj Roy Peters aaf as seremoiniemeister en woort Frank Rijvers geïnstalleerd as zienen opvolger. Daezelfde Peters moch efkes later nag ens op de buun versjiéne. Nao ’t aafsjiéd van Gé Cornet as Oelesvors, goof Cornet ’t sjpraekwaordelikke sjtekske namelik euver aan Roy Peters. Nao nege jaor dees funksie-j met verve beklei-jd te hebbe, zat-e dao nôw ein punt achter. Sjoën is zônger miër, det-e gewoën verbônge blief aan ‘t Oelesgezelsjap. Vur al zien bizôngere werkzaamhede woort-e, in naovolging op Toën Smeets, d’n twiëde Iëre-Vors binne d’n Oeles. Aan dae vorstewissel woort ‘nnen daag later in ’t Zaelke nag ruum aandach besjtaejd d.m.v. ein resepsie-j.

Vervolges woort de tiédens de jaorvergadering van aafgeloupe 7 oktoëber gekaoze Ruud Schreurs offisjeel geïnstalleerd as penningmeister. Hae nimp vanaaf det moment zitting in ’t Oelesbesjteur en nimp in deze de taak euver van Stan Hanraets.

Naeve de festiviteite rôngkum vurneumde persoëne, waas ’t vervolges de beurt um van minse aafsjiéd te neme en van d’n angere kangk juus ouch minse welkom te heite in de diverse geledinge van ’t Vastelaovesgezelsjap. We neume ô.m. de dansgarde, Oeles Toekoms en Tegels Blood. In totaal woorte vervolges zes jubilarisse in ’t zúnke gezatte. Peter Gerards en Roger Hendrix (allebei zilvere sjpeld) woorte gehuldig i.v.m. eur elfjaorig lidmaatsjap. Vanwaege ‘t 2x11-jaorig lidmaatsjap ôntvinge Toine van der Stegen en Jochem Gommans de gôlde sjpeld. Beej Joep Flos en Twan Ververs woorte vanwaege eur 3x11-jaorig lidmaatsjap de gôlde sjpeld met saffier opgesjpeld.

Binne de Raod van Elf zien d’r ouch get mutaasie-js gewaes. Zoë haet Harry Jacobs aafsjiéd genaome en as dank vur de vuële jaore as raodslid kreeg-e ’t gôlde Oeleskruuts. Terwiël Dennis Holtrman nôw ôngerdeil oétmak van dezelfde raod en ge-iërd woort met ‘nne zilveren Oeles. Han Peters woordt verblie-jd met de SLV-plaquette oét heng van de Samewirkende Limburgse Vastelaovesgezelsjappe, umdet-e inmiddels elf jaor beej de Oeles-raod is.

De letste dreej manne, die gedurende de gezelligen aovend in ’t L.S.M. in de sjiénwerpers sjtônge, ware neemes minder den ’t Oelestrio anno 2019 ônger aanveuring van prins Marcel II van Lier, beejgesjtaon door zien adjudante Léon van Deur en Peter Fokkens. Alle dreej de hiëre ôntvinge ‘n Oeleskruuts; Marcel ’t gôlde, terwiël Peter en Léon ’t zilvere kreege. Met eine sjoënen akt door ’t sjeidende Oelestrio woort de sjieken aovend op ludieke meneer aafgesjlaote.

Klik heej vur de foto's van de interne äopening. (foto's: Jos Verbong)

 

 


Aangesjlaote beej

Logo SLV nieuw

NEG logo Def

Winkelmendje

De winkelwagen is leeg