Oeles Buuttegala

Al jaore (in 2020 vingk de 9e edisie-j plaats) is ’t Oeles’ Buuttegala ein regelrechte sensaasie-j op ’t Tegelse Wilhelminaplein. Vanwaege de gôj-je resensie-js wuërdt dit evenement ’t kômmend jaor oétgebrei-jd van twië nao dreej aovende.

De kaartverkoup is inmiddels ’n dieke maond bezig. Zoë-as verwach, zien de woensdaag 19 en dônderdaag 20 fibberwarie al haos oétverkoch. Op dit moment zien d’r nag ôngeviër 50 kaertjes besjikbaar vur de woensdaagaovend. Vur de extra toegevoegde dinsdaagaovend 18 fibberwarie zien d’r nag zô’n 250 kaertjes besjikbaar. De volgende zes toppers; te weite Jan Pijnenborg, Theo Nellen, Fer Naus, Bas van Neer, Boy Jansen en Marlon Kicken zulle in “’t Witte Hoés” de bezeukers wir duchtig aan ’t lache bringe. De Iérste twië geneumde tônpraoters sjtaon euveriges d’n 10e jannewarie in de finale van de Limburgse buuttekampioensjappe.

De muzikale act in de pauze wuërdt dit jaor verzorg door ’t in gans Limburg bekende Tegelse duo Thei & Marij, det hiel ônlangs zien 3x11 – jaortig artiestejubilee-jum vierde. De iërder geneumde Kicken is de presentator van dees aovende. Daem Brabander wet met ziene bizôngeren humor de aovende besjlis ludiek aanein te praote.

Vur € 18,50 beejt Vg. D’n Oeles tiédens de letste waek vur vastelaovend ein amusant äövendje met humor en kwats van de bäöveste plank.

Um idderein in de gelaegenheid te sjtelle heejbeej present te zien, haet ’t Oelesgezelsjap besjlaote um entreejbewiéze allein maar vieja de websait www.oeles.nl  aan te beej-je. Heb ge nag gen ideaal körskedootje gevônge…….. den is ein Buuttegala-kaertje zeker einen aanraoj-jer ….. en ‘nne sjoënen aovend is gegarandeerd!

Gangk dus nao de websjop van d’n Oeles, meld uch aan en versjaf uch ein of miër kaertjes.


Aangesjlaote beej

Logo SLV nieuw

NEG logo Def

Winkelmendje

De winkelwagen is leeg