Oeles Vastelaoves Middaag

Vastelaovesgezelsjap D’n Oeles is d’r vur alle laeftiédsgroepe. Op woensdaagmiddig 12 fibberwarie organiseert ’t Vastelaovesgezelsjap daorum in c.c. De Haandert ein zitting vur alle 55-plussers oét Tegele en umsjtreeke. De zaal is dae middig aope vanaaf 13.30 oor, terwiël de zitting um 13.45 oor sjtart.  

De organisaasie-j haet ein sjoën programma samegesjteld. Vur de vokale invulling drage Björn van Berkel, Ivo van der Bijl en Gé Deenen zorg. Ouch bringe de buuttereedners Erik Mulder en Helga Cornelissen de bezeukers wir flink aan ’t lache in de Haandert. De dansgardes van d’n Oeles zette netuurlik eur beste beinke veur, terwiël ein gelaegenheidskepèl de muziek as ‘nne roë-jen draod door de middaag verzorg.

Al met al voldoende ingrediënte vur ‘nne gezellige middig vur de jôngere en get aai-jere seniore van Tegele en umsjtreeke. D’n entree-j bedruëg 5 € en det is inklusief ’n tas kôffie met get lekkers d’rbee-j. De kaartverkoup is, zoë-as gebroékelik beej De Gastronoom, In de Beeten 7 in ’t Oelesriék. Det vingk plaats op vriédaag 24 jannewarie tösse 17.00 en 18.00 oor. Daonao ken me ouch nag kaertjes aansjaffe beej Bakker Bart aan de Kerksjtraot.


Aangesjlaote beej

Logo SLV nieuw

NEG logo Def

Winkelmendje

De winkelwagen is leeg