Gen Prinselik Trio 2022 en optoch in Tegele

Vastelaovesgezelsjap D’n Oeles oét Tegele haet besjlaote um in 2022 gen Prinselik Trio oét te roope. Auch is de tradisjoneelen optoch door ’t centrum van Tegele gesjrap. 

Euver de res van ’t vastelaovesprogramma is nag gen besjloét genaome. In de kômmenden tiéd wuërt bekeeke welke aktiviteite meugelik waal, in aangepaste vorm, doorgang kenne vinge.

Dit besjloét kump neet oét de lôch valle en sjluut groëtendeils aan op de berichgaeving euver Vastelaovend 2022 oét de angere Venlose sjtadsdeile.

Taeves is d’r euverlegk gewaes met de zustervereiniginge in Tegele en Sjteyl. De Samewerkende Tegelse Vastelaovesgezelsjappe (S.T.V.) make de gemakde aafsjpraoke bekend in ’n gezamelikke persverklaoring.

Oelesveurzitter Cor Jansen gif ein toelichting op ’t besjloét um gen Prinselik Trio te proklameere in 2022. “Vastelaovend sjteit vur ônbevange fiës viere. En det is nôw neet meugelik. De kens ein Prinselik Trio neet detgene beej-je wat weej normaliter vur auge hebbe vur de prins en zien adjudante.”

Net as in 2021 is auch d’n optoch geannuleerd. Wat de euverige aktiviteite betröf, helt ’t Oeles-gezelsjap nag ‘nne sjlaag um d’n erm. “Wao meugelik, mits netuurlik geoorloof door de regels van de euverheid, wille we waal naodinke euver meugelikhede um de vasatelaovend volgend jaor neet gans geruisloos aan ôs vurbee-j te laote gaon.

De kômmende waeke zulle we ôs buige euver de vraog wat wáál haolbaar is en in welke vorm.”

 

Gen Tegelse gangmakers in 2022

Net als tiejes de vurrige vastelaovend zulle d’r auch in 2022 gen hoëghede oétgeroope waere in Tegele en Steyl. Det is de oétkoms van gesjprekke tösse de besjteure van V.g. D’n Oeles, V.V. De Boereraod, Vv. De Kaetelaers en Vg De Beerpiëp, de vastelaovesvereiniginge die vereinig zien binne de Samewerkende Tegelse Vastelaovesgezelsjappe (STV).

Opnie-j komme d’r dus gen nieje prinselikke trio’s, gen boerebroedspaar met getuúge en genne Vors Lucifer. De veer vereiniginge gaeve heejveur de volgende gezamenlikke verklaoring: “’t liek ôs gen good idee um nieje gangmakers oét te rope. Weej sjloéte ôs heejmei-j aan beej de besjlissinge die al iërder in angere sjtadsdeile van Venlo zien genaome. Ôs hoëghede kenne weej neet detgene beje wat we gewuënlik vur ouge hebbe.”

“Vastelaovend huërt ein ôngedwônge fiës te zien. Det is now waeges corona wir neet meugelik. Waao meugelik, mits netuurlik toegesjtaon door de regels van de euverheid, wille weej waal dinke euver meugelikheje um de vastelaovend in 2022 neet gans geruúsloos aan ôs veurbeej te laote gaon. Wie dit d’r per vereiniging of gezamenlik oét kump te zeen, is op dit moment nag onduudelik.”


Aangesjlaote beej

Logo SLV nieuw

NEG logo Def

Winkelmendje

De winkelwagen is leeg