Insjeete Vastelaovend STV

Vastelaovend 2018-2019
Datum: 2018-11-11 19:11

Locatie: Oelesplein Tegelen  |  Plaats: Tegelen, Nederland

Insjeete Tegelse Vastelaovend

De datum 11 november sjteit tradisjoineel in ’t teiken van de äöpening van ’t niej-je vastelaovesseizoén. Zoë netuurlik auch in Tegele. Zôndaag d’n elfde v.d. elfde wuërt op ’t Oelesplein de vastelaovend ingesjaote door de veer Samewerkende Tegelse Vastelaoves-gezelsjappe, de S.T.V.

Det insjeete begint um 19.11 oor. Op ‘t Oelesplein aan de kruutsing van de Berg-, Enger- en Poshoéssjtraot verzamele D’n Oeles, De Kaetelaers, De Boereraod en de Beerpiép zich. D.m.v. elf kanonsjlaeg van ’t Oelesgesjöt, wuërt ’t sjtartsein gegaeve vur ‘t kômmende vastelaovesjaor. 
De joekskepelle Tegels Blood, De Kaetelaers en De Boereraod zulle vur de muzikale noot zorgdrage. 
‘t Regiment Frei-Husaren von Glasenapp - 1760 luët nao de letste kanonsjlaag ein daverend saluutsjot huëre.

Nao aafloup rôngk 20.00 oor vertrekke de vereiniginge plus aanhang in optoch nao kefee Sintermerte aan de Aa-j Mert, wao gezamelik wuërt getoos en ‘t vastelaovensseizoén ken beginne. ‘t Programma in kefee Sintermerte begint um 20.11 oor en alle Tegelenaere zien netuurlik hertelik welkom. 
De gansen aovend is d’r zônger miër te geniete van gôj-je en toepasselikke muziek en traej-je de joekskepelle úm en úm op. 
Boéte, vur ’t kefee, wuërt d’r auch ein tent opgebouwd, zoëdet d’r zoëwaal binne as op de Aa-j Mert ’n richtig vastelaovesfiës gevierd ken waere vur gans Tegele.

 

Adres
Oelesplein
5931 BT Tegelen, Nederland

 

Kaart


 

Alle datums


  • 2018-11-11 19:11