Welkom beej Vastelaovesgezelsjap D'n Oeles, umdet Tegele ôs leef is!
"Umdet Tegele ôs leef is!"
Sociëteit Oeles Prinse
Sociale media

Op de hoëgte blieve van nieje ontwikkelinge, producten of entree-j kaertjes?
Volg ôs op sociale media!

De aad Prinse van Tegele zien vanaaf 1968 vereinig in de Sociëteit Oeles Prinse, aafgekort SOP.

De Sociëteit haet as eur veurnaamste doel, um de veurmalige Tegelse hoëghede vanaaf 1952 te vereinige en nag toet in lengte van jaore direk of indirek meij te laote funksionere met de plaatselikke vastelaovend. Det wuërt ouch ten ziërste gewaardeerd door ’t Oelesgezelsjap en de aad Prinse zellef. Ein sjtök van eur identiteit as carnavalsheerser euver ’t Oelesriék blief zoë toet in lengte van jaore bewaard.
Zoë gaon ouch de Vereinigde Oeles Adjudante, de VOA, door ’t laeve. Same met ’t Oelesgezelsjap, de Vrinde van ‘t Oelesriék en de VOA waere illik jaor ein aantal aktiviteite georganiseerd vur de veer gezelsjappe en vur de Tegelse gemeinsjap. De Sociëteit vergadert dreej kiër per jaor op informele wiéze; organiseert eine jaorlikse fietstoer vur de mansluuj en geit al vuële jaore ’t twiëde wiekend van september nao de wiénfiëste in Leutesdorf am Rhein… en, wiénfiëste of neet… d’r wuërt veurnamelik beer gedrônke.

‘t Besjteur van de SOP besjteit óet:

Maurice Houba (veurzitter) Ronald Willemsen (penningmeister) Theo Verheijen ( sikkertaris)
Sikkertariaat SOP: Heyskampsjtraot 33a, 5935 VD Sjteyl. Tillefoon 077-3268071.

EUVERZICH VAN DE LIÉFSJPREUKE VAN ALLE TEGELSE OELESPRINSE VAN 1952 WIES 2023

JAOR:PRINS:LIÉFSJPREUK/MOTTO:
1952Theej I, Smeets“Oelese en Oelesinne: rouk maar wie ein sjouw”
1953Genne prins i.v.m. watersjnoëd in Zuidwes Nederlandn.v.t.
1954Wiel II, Poeth“Tegele krieg alles vaerdig”
1955Sjraar I, Faassen“Boem, d’raan”
1956Lambert I, Thijssen“En nôw: geet maar”
1957Jan I, Faassen“Vanaaf nôw: boem d’raan”
1958Bert I, Kurstjens“Zet dae kraan maar aope, gen laege en gen volle, laot   gaon dae wage”
1959Pierre I, Vossen“Gaef úm van ketóen”
1960Jan II, Doesborgh“Pak vas daen Oeles”
1961Jos I, Peters“D’raan toet op d’n draod”
1962Wim I, Cup“En nôw: voltènke”
1963Chrit I, Canjels“En nôw: ein sjpuit beer”
1964Hay I, Poeth“Zegk maar jao taenge ’t laeve, ouch al zit-ze d’r waal   ens naeve”
1965Piet I, Janssen“En nôw: gaef úm ein pil”
1966Hay II, Helmes“En nôw: d’n Oeles in d’n tènk”
1967Piet II, Houwen“Koppeling op, gaef úm gaas”
1968Geert I, Ewals“Pak úm beej de häöres”
9 juni 1968: oprichting van de Sociëteit Oeles Prinse
1969Quir I, laumans“Laot úm gaon, en nôw maar laaje”
1970Twan I, Ottenheijm“En nôw maar galoppere”
1971Huub I, Peters“Sjlóet áán, die apparate”
1972Mat I, Hendrix“Met ’n bruëdje van d’m bekker, doot geej met dees daag   nag gekker”
1973Sjtaef I, Beurskens“En nôw: plankgaas”
1974John I, Janzen“En nôw: ploens d’rin”
1975Peter I, Ottenheijm“En nôw: gaef úm ein paer”
1976Jeu I, Sijbers“Blusse en naat haaj-je”
1977Theej II, Lücker“Iézersjterk, ’t ken neet kepot”
1978Maurice I, Houba“’t Hóeswerk aan de kangk en d’raan, dreej daag langk”
1979Sef II, Houba“Haaj op met ’t gesjnater, gaef de buim maar dreej daag   water”
1980Hans I, Allers“Gaot ugge gank, met gaas op de plank”
1981Wil I, Sprengers“Plök uch nag ein blúmke”
1982Wiel III, Oehlen“Met de kwas in de tes, kump-se d’r ouch bes”
1983Jo I, v.d. Velden“Met de vastelaovesdaag wuërt d’r gennem bal aafgetrap,   maar sjtijlvol ’n glaeske beer getap”
1984Joop I, Heek“Klei-jer make de man en same make weej d’r get van”
1985Hay III, Stevens“Maak van ’t laeve genne sjleur, bekiék ’t in kleur”
1986Piet III, DenessenSame sjpeule weej ’t sjpel, neemes sjteit d’r bóetesjpel”
1987Herm I, HermansDreej daag sjpringe, lache, praote…. en aswoensdaag sjtoum   aaflaote”
1988Paul I, Lücker“De muziek kump d’raan, zet aope dae kraan”
1989Leo I, BendersMet ein krietje zal ich sjriéve; de zörg aan kank en   joeksig bliéve”
1990Henk I, Vossen“Met ein lachende sjnóet vol-gaas vuróet”
1991Wim II, Peters“Met ’n muts en ’n sjoën pak, wuërt d’r duchtig doorgezak”
1992Tom I, Quicken“Met de pollaepel in de tes, viere weej vastelaovend op   zien bes”
1993Theo III, Leenen“Zônger grenze Tegele rôngk, maak plezeer en bliéf   gezôngk”
1994Henk II, Faassen“Met veilige sjläö-j in ôs deure, viere weej vastelaovend   wie noë-jt teveure”
1995Geert II, Kempen“Vol gaas door ’t Oelesriék”
1996Theo IV, Verheijen“Same luchkesjtiële bouwe”
1997Hans II, Schreurs“Idderein telt mei-j”
1998John II, Giesen“Allemaol door ’t plefông”
1999Peter II, Dohmen“Sjoën luch vur ôs en vur uch”
2000Bart I, Faassen“Ein nie-j begin. Weej gaeve de veurzet, geej knalt úm   d’rin”
2001Rob I, Noten“Laot dae kop maar rolle, dreej daag same dolle”
2002Frans I, Cremers“De ker trekke weej, ’t fiës maak geej”
2003Ronald   I, Willemsen“Dreej kammeräö-j aan d’n top, non-sjtop Tegele op de kop”
2004Han I, Peters“Nôw deile weej de laakes óet”
2005Theo V, Coort“Laot ôs ens duchtig óetpakke”
2006Gé I, Cornet“Dreej daag joeks en jen, laot ôs fiëste, zoë lang as ’t   ken”
2007Niels I, Canjels“Ôs Tegels blood geit sjneller sjtruime, van zônne   vastelao-vend ken-se allein maar druime”
2008Roland I, Truijens“Met einen houp kabaal en vuël plezeer, knalle weej ôs   door de vastelaovend haer”
2009John III, Beurskens“Sjoën óet de kúup gaon dees dreej hiëre, same met uch   vastelaovend viere”
2010Luuk I, Blok“Nao 250 jaor regere weej wir, maar nôw zônger sabel en   gewaer”
2011Ed I, Faassen“Met ein trúmke en ein träötje, ein liedje en ein präötje,   get te bikke en ein tóet beer, viere weej de vastelaovend gaer”
2012Rien I, Kolster“Met d’n hoempa, ‘nne klep en ’n vetje van de kraom, gaot geej door ’t dáak en weej wies op d’m baom”
2013Maurice II, Houba“Al sjoenkelend gaon weej allemaol flink te kiër. Met ein werm Hert vur Tegele, sjmak det besjlis nao miër !”
2014Maurice III, BeurskensÔs huurse neet klage, laot gaon dae wage!
2015Paul II, SmeetsMet ein muts op dienem bluts en um de erm ein bendje, Viere weej met uch vastelaovend toet op ’t rendje
2016Marcel I, IdinkDreej kammeräoj, ‘nne bal en ein glaeske beer weej sjtaon garant veur lol en plezeer!
2017Roy I, Peters “Laef dienen druim en geneet van ’t laeve, weej gaon veurop en zulle alles gaeve!”
2018 Don I, Willems “Met ôs hert en uch plezeer, jage weej same door de vastelaovend haer!”
2019 Marcel II van Lier “Eín dink gaeve weej uch zjwart op wit….. dit wuërt ‘nne Vastelaovend wao kleur in zit!”
 2020 Ruben I Linssen

 “Weej gaon úm rake… det is neet mis; ouch met Vastelaovend houwe weej op de kis!”                                                                                                                  

2023       Rob II Friesen       “Scroll all uch zörg vurbeej, vur vastelaovend……KLIK HEEJ!” 

Maurice Houba, jan. 2015

Zittend van links naor rechs:

Jo vd Velden, Theo Leenen, Geert Kempen, Jos Peters, Sjtaef Beurskens, Hub Peters, Pierre Vossen, Herm Hermans.

Staonde van links naor rechs:

Henk Vossen, Leo Benders, Theo Verheijen sik Maurice Houba vz, Rien Kolster, Han Peters, Roy Peters, Rob Noten, Roland Truijens, Gé Cornet, Theo Coort, Ronald Willemsen pm, Frans Cremers, Henk Faassen, Luuk Blok, John Giesen, Niels Canjels, Tom Quicken, John Beurskens, Piet Janssen, Maurice Beurskens, Piet Denessen en Bart Faassen.

Foto Jos Verbong