Image
Foto: Jos Verbong

De Oelessenaat is ingkele jaore geleeje, nao ’t aafsjiéd van Toën Smeets as Oelesvors, opniej opgerich.

‘t Initiatief woort genaome umdet ein aantal Raod van Ellefleeje met eine lange sjtaot van deens, ‘t lidmaatsjap van de Raod van Elf wôl beëindige, eur aktieve loupbaan beej D'n Oeles voor gezien heele, maar waal met D'n Oeles kôntak wôlle haaje. Daonaeve agde me ’t versjtendig um juus de leeje met jaorelange ervaring doën beej D'n Oeles betrokke te haaje um eur van tiéd toet tiéd euver versjillende aspekte te kenne raodpleege, zoëgezag: ein advieskollege.

Zoë ôntsjting ein selek gezelsjap van ellefe leeje, die illike maondigaovend - 'D'n Oeles-aovend' - gezellig beejein kômme, zich ampel met de dagelikse gangk van zake bemeuje, maar waal plezeer met-ein make, ein kaertje legke en veural flink 'aaj hoore'. Kortgezag, ein hechte vrindeklöp die aan d’n eine kangk d’m bangk met D'n Oeles neet wil verleere en angerzijds gen 'gedeuns' miër wilt hebbe. 
                                                                    

Op de foto zittend van links nao rechs, Theo Hagens, Bart Faassen, Ton Ewals, Lucas Jaspers, Toén Smeets, Herm Hermans en Gerard Fokkens. Sjtaonde: van links nao rechs, Eric Stoffels, Jos de Haas, Hans Janssen, Carlo Peters, Jac Benders, Leon Goossens, Henk Faassen, Toine vd Stegen, Marcel Stappen, Hay Stevens, en Frans Cremers. Op de foto öntbrik Rob Noten en Rene Boermans.