Rabobank Venlo en umsjtreeke sjtelt opnie-j ein deil van zien wins besjikbaar vur aangesjlaote vereiniginge ônger de noemer “Rabo Clubsupport”.
Vastelaovesgezelsjap D’n Oeles haet zich auch wir aangemeld um kans te make op ein geldbedraag. Persoëne met ein Rabo-raekening meuge sjtumme op de deilnemende vereiniginge. As Vg. D’n Oeles ziende, ôntvange we hiel gaer dien sjtum. Sjtumme op D’n Oeles ken as volg. Van 5 wies 27 september meuge lede van de Rabobank Noord-Limburg in totaal dreej sjtumme oétbringe op eur favoriete klöps.

Det sjtumme geit door in te logge op de app of op de website. Via de site ken dit, door nao “service”, den nao “zelf regelen” en vervolges nao “stem op jouw club” te gaon. Dôw kliks in de liés van deilnemende klöps op “D’n Oeles” en den op “stemmen”.

Elke sjtum is geld waerd. De waerde van ein sjtum wuërdt bepaold door ’t totaal besjikbare bedraag te deile door ’t aantal oétgebrachte sjtumme. ’t Oelesgezelsjap krieg dus ’t aantal op ôs oétgebrachte sjtumme kiër ’t bedraag det elke sjtum waerd is. ’t Is vur ôs belangriék um zoëvuël meugelik sjtumme te kriége. Weej kenne die beejdrage immers good gebroéke vur ’t organiseere van allerlei aktiviteite vur jôngk en aad. ’t Zou fantasties zien as dôw, dien femielie-j en bekende sjtumme gaeve aan D’n Oeles gedurende deze “Rabo Clubsupport” van Noord-Limburg.

Kier vur miër info euver Rabo Clubsupport van Rabobank Noord-Limburg op www.rabo-clubsupport.nl/venlo-eo/over-rabo-clubsupport