Welkom beej Vastelaovesgezelsjap D'n Oeles, umdet Tegele ôs leef is!
"Umdet Tegele ôs leef is!"
Umdet meidoon nag leuker is den kiéke!
Sociale media

Op de hoëgte blieve van nieje ontwikkelinge, producten of entree-j kaertjes?
Volg ôs op sociale media!

D’n optoch is vur minnige vastelaovesveerder ein van de hoëgtepunte van de vastelaovend. Toch blief ‘t beej de meiste minse beej toekieke. Met ‘t Optochkefee wil vastelaovesgezelsjap D’n Oeles heej verangering in bringe.
Met d’n optoch mei! Zou-se bes waal wille, maar kump ‘t d’r maar neet van? Loup den ens binne beej ‘t Optochkefee!
Kieke is leuk, meidoon nag vuël leuker! Vraog ‘t maar aan de wagebouwers en faatse die illik jaor door de Tegelse sjtraote trekke op vastelaovesmaondig. Det ken deze maond al tiejes de aopen inloup van vastelaovesgezelsjap D’n Oeles in kefee Quatre Bras. Praote met deilnemers, luustere nao eur ervaringe en enthouzjasme, vraoge nao tips: gewoën gezellig klasjenere euver d’n optoch beej ein tas kôffie of glaeske beer.
‘t Optochkefee is bedoeld um d’n dörpel tösse wille en doon weg te neme door deilnemers en twiéfelaers met mekaar in kontak te bringe. Dink-se de’r euver um  (wir) mei te doon, maar wet-se neet zoë  good wie en wao te beginne of wat d’r zoëal beej kump kiéke, den haop de optochkemmissie van D’n Oeles dich op 17 november te zeen in café Quatre Bras. Inloup vanaaf 20.00 oor.
De euverige data zien 19 jannewarie in kefee Sintermerte en 9 fibberwarie in De Aaj Mert.