Normaliter sjteit op Vastelaovesmaondaag d’n Tegelsen optoch geprogrammeerd. Door Corona ging deze kleurrieke sjtoet helaas neet door, maar door de Vastelaoves Veurraam Versierwedsjtriéd waas d’r in Tegele toch ‘t nuëdige te doon.
Ein zjwaor delegatie van besjteur en Raod van Elf van Vastelaovesgezelsjap D’n Oeles bezôch same met dansmarietjes en joekskapel Sôkkerpaek namelik alle adresse die zich hadde aangemeld. Vanaaf dees plaats ein waalgemeind dankjewel vur alle deilnemers. D’n Oeles vông ‘t sjiek um daen daag met fervente veerders toch de Vastelaovend te vieren. Creatieve ideeë wille weej as vereiniging gaer in de sjienwerpers zette. En wanniër dit neet ken middels einen optocht, is ‘t sjoën det d’r angere menere zien zoëas de Vastelaoves Veurraam Versierwedsjtriéd. Haopelik is d’r volgend jaor wir eine regulieren optoch en kenne alle creatieve ideeë daorveur waere ingezatte.
Netuurlik ken d’r maar éine winnaar zien en nao wies beraod is dees iër toebedeild aan de femilie Willemsen van de Pastoor Freybeuterstraat 1 in Tegele. Dees ras-vastelaoves-femilie haet heejmei eine geldpriés van 111 Euro verdeend. Fotograaf Jos Verbong waas mei op paad en door heej te klikke vingk geej ein sjfeerimpressie.
