De insjpanninge van Vastelaovesgezelsjap D’n Oeles um d’n Tegelsen optoch ‘nne niej-je impuls te gaeve, beginne inmiddels vruchte aaf te werpe.

Oét de iërste positieve sinjaale bliek, det d’r wir bewaeging zit in ‘t deilnemersaantal. Zoë wille ingkele deilnemende wagebouwersgroepe die ware gesjtop, wir gaer d’n draod oppakke. 

Dét, mits ‘t lök um ein lokaasie-j te vinge wao ze eur kreejaasie-j kenne bouwe. Daorum ruëp D’n Oeles idderein, dae d’n Tegelse Vastelaovend ein werm hert toedruëg op, um mei-j te zeuke nao ein loods, bedriéfshal of ‘n anger óngerkómme, wao dees groepe (tiédelik) terech kenne.

De wagebouwers van “Beejein-gesjoëi-jd” kampe met ein urgent hoésvestingsprobleem. Zeej zien uuters dringend op zeuk nao ein sjtalling vur euren optochwage.

Tips zien welkom via optocht@oeles.nl