Leef Optochdeilnimmer,
De vastelaovend kump rap doënderbeej en weej zien names de optochkemmissie drök in de waer met de letste luëdjes. Geej heb nag angerhalleve waek d’n tiéd um uch in te sjriéve! Weej wille alles top vur uch regele en det beteikent det we de insjriéving sjloéte op 1 fibberwarie.
Ich heb al gezeen det vuël van uch dit al hebbe gedaon maar auch eine gas nag neet. Doot mei!
Zet as ge mei dôt auch ves dinsdaág 3 fibberwarie in d’n agenda. Den sjteit ôs jaorlijkse tradiesie, de optochvergadering vur deilnimmers, wir op ‘t pergram. Heej krieg geej de letste informasie, uch optochnummer, ônthulle we ’t pin-ke van dit jaor én kump ozzen nieje hoëgheid naeve en ich heb mich laote vertelle det dae d’r eine weg-guëf!
Weej zeen uch gaer massaal op 3 fibberwarie beej de Aaj Mert vanaaf 20.00 oor. ‘t Pergram begint um 20 oor 30.
Wies den!
Names de optochkemmissie,
Dirk Stevens
