D’n datum 11 november sjteit tradisjoneel in ‘t teiken van de aöpening van ’t niej-je Vastelaoves-sezoén. Zoë auch netuurlik in Tegele. Op maondaág 11 november 2024 zal op ‘t Oelesplein in hertje Tegele de Vastelaovend waere ingesjaote door de veer Samewerkende Tegelse Vastelaovesgezelsjappe (STV).

’t Insjeete begint öm 19.11 uur. Op ‘t Oelesplein aan de kruutsing van de Bergsjtraot, Ingersjtraot en Poshoéssjtraot zulle de vereniginge D’n Oeles, De Kaetelaers, De Boereraod en De Beerpiep zich verzamele. Via ellef kanônsjlaeg van ‘t Oelesgesjöt zal ‘t sjtartsein gegaeve waere vur ’t niej-je Vastelaoves-jaor ônger toezeend oug van ‘t regiment Frei-Husaren von Glasenapp 1760.

Nao afloup, zoë rôngk 20.00 oor, make de vereiniginge d’n euversjteek nao de Harmoniezaal, wao gezamelik getoos zal waere en d’n Tegelse Vastelaovend wuërt ingeluud. De muziek wuërt dao verzorg door DJ Marcel van Heel, dae toepasselikke vinylplaetjes geit drei-jje.