Op zaoterdaág 18 november 2023 vông in de Harmoniezaal de jaorlikse interne aöpening plaats van Vastelaovesgezelsjap D’n Oeles.
Nao de welkômstwaörd van veurzitter Cor Jansen en Vors Roy Peters trooj Frank Rijvers aaf as seremoniemeister. Zien take waere van nôw aafaan euvergenaome door ‘t duo Maurice Beurskens en Ruben Linssen. Vaerder werd Dennis Holtman geïnstalleerd as sikkertaris. Vervolges noom Peters aafsjiéd van diverse minse en hoot, aan d’n angere kangk juus niej-je leeje welkom beej de versjillende geledinge van Vastelaovesgezelsjap D’n Oeles zoëas beej Oeleskapel Tegels Blood, de dansgarde en Oeles Toekoms.
Vervolges woorde de nuëdige jubilarisse in ‘t zunke gezatte. Aafgetrap woor d’r met ‘t euverhandige van de Zilvere Sjpeld aan Rien Kolster, Martin Faassen en Ruud Smeets waeges ‘t
1 x 11 jaor lid zien van D’n Oeles. Auch de SLV waas perzent um Harry Jacobs de Orde van Verdeenste oét te reike. Nao de pauze kreeg Herman Denessen, Har Zwart en Cor Jansen ein Golde Sjpeld waeges eur 2 x 11 jaörig lidmaatsjap.
Aan ‘t eind van d’n aovond woord d’r aafsjiéd genaome van ein dreejtal raodsleeje te weite Rein van Erp, Niels Canjels en Han Peters. Rein ôntving ein Golde Oeles Kruutz, terwiél de angere twië hiëre woorte ongersjei-je met ein Zilvere Commandeurskruuts. Dirk Stevens en Roy Kessels woorte geïnsjtalleerd as raodslid en zeej krege eine Zilveren Oeles umgehange. Ruud Cremers, Ruben Linssen en Maarten Ottenheijm môste dae inlevere en krege as raodslid de Golde Oeles. D’n aovond woor afgesjlaote met ein ludieke act van de Raad van Elf en ’t aafsjiéd neme van ‘t Oeles Trio 2023 besjtaonde oét Prins Rob I Friesen en zien adjudante Senn Friesen en Bart Tomlow.
