Op zaoterdaág 16 november 2024 vong in de Harmoniezaal de jaorlikse interne aöpening plaats van Vastelaovesgezelsjap D’n Oeles.
Nao welkomswaörd van veurzitter Cor Jansen en de kersverse Oeles-vors Frank Rijvers noom letstgeneumde afsjiéd van inkele minse en verwelkomde hae auch ein deíl niejje leeje beej de versjillende geledinge zoëas beej Oeleskapel Tegels Blood, de dansgarde en Oeles Toekoms.
Vervolges woorde de nuëdige jubilarisse in ‘t zunke gezatte. Marieke van Dijk, Frank Hendrikx, Wendy Hendrix en Maurice Houba junior zién 11 jaor lid en ontvinge ein zilvere ketting/sjpeld. Daonao ontvinge Frans Cremers, Rob Noten, Carlo Peters, Mark Jacobs en Jean Denessen een golde sjpeld en Mara Gerards een golde kettingske waeges eur 2 x 11 jaörig lidmaatsjap. Theo Hamakers, 3×11 jaor lid, kreeg de golde sjpeld met saffier. Beej Eric Stoffels woord waeges het 4 x 11-jaörig lidmaatsjap met de golde sjpeld met robijn gedekoreerd en ontving daonaeve ’t Golden Commandeur-Kruuts.
Taengen ‘t eind van d’n aovend woord d’r afsjiéd genaome van ein veertal raodsleeje te weite Roy Peters, Harry Jacobs, John Beurskens en Mark Denessen. Harry Jacobs ôntving ein golde Oeles-Kruuts, de angere dreej woorde ongersjei-je met ‘t Bronzen Commandeur-Kruuts. Roel Driessen, Bram Hasselman en Tommy Vorstermans woorde juus geïnstalleerd as raodslid en ôntvinge eine zilveren Oeles. Ruud Schreurs kreeg as raodslid in plaats van eine zilvere- eine Golden Oeles oétgereik. Auch woord Stan Hanraets in ’t zunke gezatte waeges zien 11-jaörig raodslidmaatsjap.
D’n aovend woord aáfgesjlaote met een ludieke act van de Raad van Elf en het aáfsjiéd van ‘t Oeles Trio 2024, Prins Tommy I Vorstermans en zijn adjudante Bram Hasselman en Dennis Klompmakers.
