Welkom beej Vastelaovesgezelsjap D'n Oeles, umdet Tegele ôs leef is!
"Umdet Tegele ôs leef is!"
Interne äöpening
Sociale media

Op de hoëgte blieve van nieje ontwikkelinge, producten of entree-j kaertjes?
Volg ôs op sociale media!

Op zaoterdaag 12 november 2022 vông in de Harmoniezaal de jaorlikse interne äöpening plaats van Vg. D’n Oeles.

Nao ’t welkomwaord door veurzitter Cor Jansen woort Vors Roy Peters gehuldig vanwaege zien elfjaorig lidmaaatsjap en hae ôntving daoveur ein zilvere sjpeld.

Vervolges noom Peters aafsjiéd van minse en verwelkomde angerzijds juus niej-je lede beej de versjillende geledinge van ’t Oelesgezelsjap, zoë-as de dansgarde en Oeles Toekoms.

Daonao woorte de nuëdige jubilarisse in ’t zunke gezatte. Aafgetrap woort d’r met Mieke Wijnhoven (zilvere sjpeld aan ketting), Roel Peters, Ed Faassen, Harry Jacobs en Bleys Reijnders: allemaol zilvere sjpeld i.v.m. eur 11-jaorig lidmaatsjap.

Jochem Gommans ontving efkes later ein zilvere Oeleskruuts. Nao de Pauze kreeg René Boermans ein gôlde sjpeld vanwaege ‘t 22-jaorig lidmaatsjap en Jos de Haas ein gôlde sjpeld met saffier waeges ’t feit, det-e d’r 3×11 jaor beej is.

Auch de S.L.V. makde zien opwachting in Tegele. Ein delegaasie-j waas nao deze zaal getaoge um Oelesvors Roy Peters en praeses Cor Jansen ein Orde van Verdeenste oét te reike. Aan ’t eind van d’n aovend woort Ruud Schreurs geïnstalleerd as raodslid en dae kreeg ‘nne zilveren Oeles.

Dennis Holtman verruilde offisjeel ziene zilveren Oeles vur ‘nne gôlde.

 

Klik heej vur de foto’s van de interne äöpening. Foto’s: Jos Verbong