Vur ‘t iërs zulle de kaarte van de Oeles 55+ zitting en Oeles’Buuttegala tegeliékertiéd in de verkoup kômme. Det gebeurt vur allebei dees evenemente op zaoterdaag 14 december vanaaf 10.00 oor beej Brasserie-j RACH aan de Kerksjtraot.
De entree-j vur de 55+ zitting van vriédigmiddig 21 fibberwarie 2025 in de Harmoniezaal bedruëg € 7,50 en det is inklusief verplichte garderobe en ‘n tas kôffie met gebak. Let op: vanaaf dit jaor waere de kaarte op sjtool- en taofelnummers oétgegaeve! Mochte d’r nao dae veurverkoup nag kaarte besjikbaar zien, kenne dees nag aangesjaf waere beej Bakker Bart aan de Kerksjtraot. De organisaasie-j haet ein sjoën programma samegesjteld vur dees zitting. Vur de vokale invulling drage Hudje Mudje, Thei & Marij en Scheiven Drek zorg. Auch bringe ‘nne gas buuts de bezeukers wir duchtig aan ‘t lache in ‘t centrum van Tegele. De dansgardes van Vastelaovesgezelsjap D’n Oeles zulle eur beste beinke wir veurzette. Al met al voldoende ingrediënte vur ‘nne gezellige middig vur de jôngere en get aaj-jere seniore van Tegele en umsjtreeke.
‘t Oeles’ Buuttegala zal net as de letste jaoren gebroékelik is, wir driee-j aovende in besjlaag neme; en waal in dezelfde Harmoniezaal op dins- 25, woens- 26 en donderdig 27 fibberwarie 2025. Zorg, det ge d’r beej de veurverkoup op zaoterdiog 14 december beej ziet, want det ken waal ens flot gaon met dae verkoup. Alle dreej de aovende sjtarte um 20.11 oor, terwiël de zaal al aope is vanaaf 19.00 oor. Dees aovende waere de lachsjpiere oétermate getes as de 5 buuttereedners Ger Frenken, Rob van Elst en Bas van Neer d’raan gaon, waobeej Rob und Janneke vur muziek zorge. De presentaasjie-j wuërt verzorg door Harrie Pouwels. Entree-jkaertjes koste € 22,50 p.p. en dao is de garderobe beej inbegreepe.
