Lintje vur Marcel van Lier en Leon van Deur
Ziene majesteit de Keuning haet behaagd um de hiér Marcel van Lier te beneume as lid in de orde van Oranje Nassau.
De Oelesprins van 2019 krieg dees ôngersjeiding vanwaege zien sociale betrokkenheid in zien algemeinheid. En vur ut Tegelse vereinigingslaeve.
Zoe is hae al tig jaore actief in de handbalsport as sjpeuler en as zier suuksesvol trainer/coach. Daonaevebeej is de hier Van Lier al hiel get jaore actief gewaes vur Vg. De Beerpiep as veurzitter van de kemmissie pers & promosie en as Vors van De Beerpiep.
Sinds 2019 is Marcel van Lier lid van Vg D’n Oeles waor hae veurzitter van de kemmissie Oeleskrant is. Vanaaf 2019 is hae ouch lid van de Societeit Oeles Prinse. Ouch is hae redaksioneel sjriever van vuule artikele van en vur de vereiniginge waor hae lid van is.
Marcel van Lier sjteit vur idderein klaor as um vruugs en zal neet gauw nae zegge.
Deze mins haet dees ôngersjeiding döbbel en diek verdeend. Auch ziene adjudant van 2019, de hiér Leon van Deur is beneump as lid in de orde van Oranje Nassau. Allebei proficiat namens Vastelaovesgezelsjap D’n Oeles.
Lintje vur Lucas Jaspers
Ut haet ziene Majesteit de keuning behaagd um Lucas Jaspers te ôngersjeie as lid in de orde van Oranje Nassau .
De hier Jaspers haet zich de aafgeloupe tientalle jaore belangeloos vur ut vereiningslaeve van Tegele ingezatte. In 1998 woord Lucas Jaspers adjudant beej Oelesprins John II Giesen en is hae lid van de VOA (Vereinigde Oeles Adjudante).
Zoe is hae al mier as 22 jaor lid van Vg D’n Oeles waorvan hae 6 jaor veurzitter waas en 2 jaor Oelesvors en daoveur waas hae jaore vize-veurzitter. Ouch waas hae veurzitter van de Technische Kemmissie en veurzitter van de STV-meziekkemmissie.
Hae is momenteel iëre-veurzitter en senaatslid van D’n Oeles. Ouch waas Jaspers jaorelangk besjteurslid van Stichting VAT.
Vanaaf de aöpening van de hernieuwde Hermeniezaal is de hiër Lucas Jaspers al un gas jaor veurzitter facilitaire zake.
Veur al dit vuule werk, is de hier Jaspers gedekoreerd.
