Aafgeloupe vriédaág is d’n hiër Maurice Houba senior tiedes de vergadering van de Scoieteit Oeles Prinse (SOP) aafgetraoje as préses van de SOP. Nao 4×11 jaor veurzitter te zien gewaes van dees klub, vông Maurice det d’n tiéd gekômme waas um ‘t sjtekske euver te drage. Vanaaf now zal d’n hiër Gé Cornet als SOP-préses door ‘t laeve gaon.
Maurice Houba senior woor oétveurig bedank vur beweze deenste; woor beneump toet Iëre-préses van de SOP en ôntving ein blievende herinnering in de vorm van ein kunswerk. Naeve Houba senior nome auch Ronald Willemsen (penningmeister) en Theo Verheijen (secretaris) aafsjiéd van ‘t besjteur. Eur plekke woorde ingenaome door Han Peters (penningmeister) en Rien Kolster (secretaris).
