Max Smeets vormp same met zien adjudante Noah Vercoulen en Siem Holthuijsen ‘t 32e jeugtrio van Vg. D’n Oeles oét Tegele. Zeej zien zóndigmiddig 5 fibberwarie door Oelesvors Roy Peters geproklameerd in de groëte zaal van Cc. De Haandert.

Prins Max II is de Vastelaovend met de paplaepel ingegaeve. Opa Wim Beurskens waas in 1987 adjudant bij prins Herm I (Hermans) en opa Toën Smeets waas jaorelangk Oelesvors. Vader Paul moch in 2015 de skepter zjwei-je euver ’t Oelesriék. Groëte broor Bram waas in 2019 jeugadjudant bij prins Vinn I (Geraats) en zuske Lisa is dansmarietje bij D’n Oeles. Max is 12 jaar jóngk en woënt in ’t Maasveld met pap Paul, mam Ingrid, broor Bram (15) en zuske Lisa (13) Same met vriendegroep “Wie Laater Wie Zaater” trek de prins al jaore mei-j in d’n Tegelsen optoch. Hae zit op de openbare Jenaplan basissjoël “’t Maasveld”, drek naeve eur woënhoés. Ziene vreejen tiéd bringk-e groëtendeils door op de sjtep, de moutainbaik en op ’t trapveldje in de wiék. ’s Jmaodigs-saoves volg hae trommelles beej aad Oelesprins Ed Faassen en daonaeve voetbalt-e beej Sc. Irene in de JO13-1.

Adjudant Noah is 11 jaor en haet de iërste helf van zien laeve in Eindhoven gewoënd. Met de vastelaovend waas-e met zien elders Vera en Adil al idder jaor in Limburg te vinge. Auch Noah zit op “’t Maasveld”. Zien hobby’s zien voetbal, gaame, boéte sjpeule en films uige. Taeves helt-e erg van gezelsjapssjpelle zoë-as monopoly. Auch Noah voetbalt beej Sc. Irene en waal in de JO13-4.

Adjudant Siem is met 10 jaor de benjamin van het sjtel en taeves liërling van “t Maasveld’”. Same met pap Bart, mooder Sandra en zuske Veerle woënt-e in ’t Maasveld. Hae is ’n naefke van prins Max en sjtap as adjudant in de vootsjpaore van Opa Beurskens en auch vader Bart, in 2015 adjudant beej vader Paul van Max. Siem voetbalt in de JO11-1 van Sc. Irene, wao hae auch al ens adjudant waas. En hae sjpeult ’n belke op ’t trapveldje. Met de sjtuntsjtep en de Switch ken-e keigood euverwaeg. Auch Siem mak deil oét van “Wie Laater Wie Zaater”.

Same met eur twië dansmarietjes Bibi en Cato leide zeej de jóngste inwoëners van ‘t Oelesriék door de Vastelaovend ónger ’t motto: ” Nao twië jaor zette weej de tent oppe kop, met ós as trio wuërt deze vastelaovend hielemaol top! ” 

Dit Oeles jeugtrio helt op zóndig 12 fibberwarie vanaaf 14.00 oor resepsie-j in de kleine Haandertzaal in Tegele.

Fotografie: Aneta Martens