Op Vastelaovesdinsdaág 4 maart 2025 wuërt vur d’n twiëde kiër ‘t gezamelikke ‘Steeke Aafzette’ georganizeerd. Vanaáf 19.30 oor is idderein welkom in de Harmoniezaal in ‘t centrum van Tegele. Alle veer de jeugaafdeilinge zulle prezent zien en zulle same de vastelaovend aafsloéte. Auch de groëte gangmakers van De Beerpiép, De Boereraod en D’n Oeles zien aanwezig um zoëgenaamp aaf te traeje. DJ Duo’s Nachtvlinders en FX Music zulle same met, net as vurrig jaor, Serpetinus Willum, vur de letste kiër de zaal op sjtelte zette. Rôngk middernach is ‘t offisjele programma aafgeloupe en is d’n Tegelse vastelaovend 2025 auch ech gedaon vur D’n Oeles.