Leef Optochdeilnimmers,
Zoë-as geej wellich weit is d’r in de waereld van de vastelaovesoptochte ein en anger verangerd. Met name is d’r beej vuël deilnimmers nag vuël onduudelik rôngk-um de verzekeringe en keuringe van de wages. Weej hebbe as organizasie alles vur uch oétgezôch zoë-det geej auch kommende vastelaoves optoch met vertrouwe mei kent trekke met uch kreasies. De volgende regels zien opgesjteld in samewerking met de verzekeraers en zien dus bingend en korrek. Môch geej aafwiékende berichte taegekômme, den deil die astebleef met ôs, den kenne weej dao aksie-j op ôngernimme.
Insjriéfformulier | Optochregelement
De regels zien as vollig:
- De ganse kombinasie van trekkend veurtuúg en getrokke wage môtte zien verzekerd, det deent geej beej ôs aan te tuëne.
- ‘t Trekkende veurtuúg mot veurzeen zien van een keuring.
- Zit d’r ein kenteiken op, den is dit automatisch middels de APK geregeld, d’r is den gen aksie nuëdig.
- Zit d’r gen kenteiken, op den môt d’r ein ‘verklaoring technische deugedlikheid’ waere aafgegeave van maximaal dreej maond aad. Dit môt gebeure door eine erkende keurmeister, verbônge aan ein vakgarage. Dit meug op lokasie gebeure. Veurbeeldfomuliér kent geej beej ôs opvraoge.
- D’r meuge maximaal 20 persoëne oppe wage sjtaon.
Wao weej, keurders en verzekeraars ekstra nao zulle kiéke:
- Karroserie-j en fraem
- Krach-euverbringing, remme en sjteurinrichting
- Asse en ophanging
- Verbinging tösse trekkend en getrokke veurtuug
As organisasie wille we ’t uch zoë mekkelijk meugelik make maar tieje verangere en weej waere auch gecontroleerd en verantwaordelik gesjteld. Weej môtte uch daorum auch vraoge de polis met ôs te deile. Daobeej zulle weej dit jaor aktiever kontroles doon vur d’n optoch en met opsjtelle maar as geej zörg det geej alles good geregeld heb, is det gen inkel probleem. Weej doon det neet um te plaoge maar um d’n optoch veilig te make en haaje. Weej vertrouwe op uch begrip.
As geej twiefelt of vraoge heb, den laot ‘t ôs weite. Den komme weej uch hellepe! Same zörge weej d’r veur det auch kômmende edisie-j van de Groëte Tegelsen Optoch ein enorm sukses wuërd!
Insjriéfformulier | Optochregelement
Names de Optoch kemissie,
VG D’n Oeles
