‘t Oeles Buuttegala is binne Tegele en ömsjtreeke eine vaoltreffer gebleke. Net zoë-as vurrig jaor zulle d’r dreej aovonde in de Harmoniezaal geprogrammeerd sjtaon en waal op dinsdaág 6, woensdaág 7 en dônderdáag 8 fibberwarie 2024. Alle dreej de aovende beginne um 20.11 oor, terwiél ‘t meugelik is um de zaal al te betraeje vanaaf 19.00 oor. Dezen aovond wao de lachspiere oétermate getes waere, zulle ônger angere Joep de Wildt, Hub Stassen, Ger Frenken en De Kroegadours zörge vur buut en muziek. Entree-j kaarte koste 20 Euro en daobeej is de garderobe inbegrepe. Kaarte zien via de website (www.oeles.nl) te kaup.