Op zaoterdaag 4 fibberwarie a.s. vingk wir ‘t Prinsebal van Vastelaovesgezelsjap D’n Oeles plaats. ’t Hoëgtepunt van dezen aovend is netuurlik ’t onthulle van ’t Tegelse Oelestrio anno 2023.
Dit Oelestrio sjteit inmiddels as gevolg van alle Corona perikele vul langer den gewuënlik te trappele van óngedöld toet ze zich tiédens dit bal aan ‘t Tegelse publiek kenne tuëne. De sjpektakulaire óntmaskering door Oelesvors Roy Peters vingk plaats om 21.11 oor. De deure van De Haandert zien geäöpend um 20.00 oor en waere um 21.00 uur tiédelik gesjlaote in verbangk met dit moment surprème.
Op dit bal van ’t Oelesgezelsjap traej-je naeve de eige Oelesgardes taeves Knalleman en Gólden Hiëring op. Vur de vastelaovessjtumming zorge Oeleskepèl Tegels Blood. Toegangskaertjes à 11 Euro zien via de site van d’n Oeles (heej te bestelle) en Bakker Bart op de Kerksjtraot te verkriége. Netuurlik is ’t auch meugelik, um aan de kassa ein entreekaertje te koupe.
