Er is er één jarig hoera, hoera…. Oeleskèpel Tegels Blood besjteit vandaag 11 mei 2023 preciës 22 jaor. Naor vastelaoves begrippe raeje vur ‘n feesje: 2kiër 11 jaor. Ônger ‘t mom van “ 4 kiër de Hellef van Ellef” sjtart vannaovend ‘t jubileumjaor in ôs vertrouwde “hôngk” Café de Aaj Mert woë weej al 20 jaor gastvreej ôntvange waere en ôs repetitielocatie höbbe.
Toen, vur 22 jaor trük, ôntsjting beej VG d’n Oeles ‘t veurneme ‘n joekskèpel op te richte. Vanoët de vereiniging woorte Peter Dohmen en Mark Rietra daoveur naor veure gesjaove. Vanoët angere Joekskèpelle zoëwie Geregeld Ôngeregeld en Doën Beejein meldde zich persoëne um ‘nne sjtart meugelik te make. Det leverde meteen ouch die iërste beperkinge op qua optraejes umdet optraejes van eur eige kèpel altiëd de verkeur zoele haaje. Daonaeve ware diverse angere petsoëne bereid um aan d’n start mei-j te werke. Aan Mark Jacobs de taak as muzikaal leider van ‘t beejeingerapde sjtel ‘n kèpel te vorme. De iërste twiëje jaor woort d’r driftig gerepeteerd in Cultureel centrum d’n Haandert. Bekend van daen tiëd ‘t gegaeve det met sjlechs 6 nummers in ‘t repertoire de Weihnachtsmarkt in Köln bezôch woort. Tja.. as den beej nummer 5 bös aangekômme en de minse um “Zugabe” beginne te roope woort ‘t hoëgste tiëd van locatie te verwissele. In de laop van de jaore woort ‘t repertoire gesjtaag oëtgebreid en ouch kwalitatief woorte de nuëdige sjtappe gemak. ‘T dirigentesjtekske is vur 9 jaor trük door Stan Siebgens euvergenaome van Mark. Van de oorsjpronkelijke bezetting ziën d’r nag 3 leeje actief binnen de kèpel en eine vervult d’r de rol van besjermhiër. Momenteel telt Oeleskèpel Tegels Blood 18 sjpeulende leeje en ken ze trük kiëke op 20 succesvolle jaore met vuël memorabele optraejes in o.a. Köln,Saarburg en Trier. De twiëje Corona jaore ziën jaomergenôg niet ôngemerk aan ôs vurbeej gegaon. Direct of indirect woort ervare wat Corona vur ‘n leid teweeg kôs bringe en det sjteit in geen inkel contras met ‘t neet kenne repetere, laot sjtaon optraeje.
Vanavond wuërt wie al aangehaold d’n aaftrap gegaeve vur ‘t jubileumjaor. Ein heuse Jubileum Commissie haet de leeje met aanhang daoveur oëtgenuëdigd um gezamelik d’n aaftrap te neme. Wie, wat etc. bliëf vooralsnag geheim : ouch wat verdere activiteite betröf. Wuërt vervolg.
