Ranjabal
Auch dit jaor hebbe Oeles Toekoms en de jeugkemmissie van Vastelaovesgezelsjap D’n Oeles de heng wir in mekaar gesjlage en zulle zeej ‘t Ranjabal organizere. Op vastelaoveszôndaág 15 fibberwarie 2026 zal in de Harmoniezaal in hertje Tegele ein fiësje gebouwd gaon waere vur de jeug.
In de Harmoniezaal kenne de jôngste vastelaovesveerders in einen ôngedwônge sfeer ranja drinke en sjlôkke. Auch aan de oma’s en opa’s is gedach; de organizasie zörrig vur genôch zitgelaegenheid.
Tiejens ‘t Ranjabal, det um 14.00 oor sjtart (zaal aope vanaáf 13.30 oor), zal de meziek waere verzörrig door DJ Levi en zulle d’r versjillende optraejes van de dansgroepe van D’n Oeles en VV De Boereraod te zeen zien. Dao naevebeej is ‘t nieje jeugtrio, Jeugprins Faes I met zien adjudanten Flip en Mase van D’n Oeles vanzellefsjpraekend van de partiej. De middaág deurt toet ôngeviër 17.00 oor en is gratis te bezeuke.
