Prins Roel I (van Hees) geit de kômmende twiëwaeke, same met zien Adjudante René Hinssen enRobert Vinken, veurop in d’n Tegelse Vastelaovend. Oelesvors Frank Rijvers sjtelde ’t Trio vur dit jaor zaoterdaagaovend 31 Jannewarie veur tiédens ‘t Prinsebal in Kultureel Centrum De Haandert.
Prins Roel I (van Hees) is 40 jaor geleej-je gebaorein ‘t gashoés van Venlo en later opgegreu-jd oppeSjteylerstraot in Tegele. In 2005 is hae zien groëteleefde taenge gekómme, Jolanda Meelkop, ein echVenloos maedje. Auch de leefde kreeg um aevelneet weg oét Tegele! Sjterker nag, neet ens de sjtraot oét, want in 2010 kochte zeej same ein hoés, auch oppe Sjteylerstraot. Ein jaor later zien ze getrouwd, op de magische datum ‘elf van elf van elf’. Same hebben ze twië zeuns Teun van 12 en Stef van 10 jaor.
In ‘t dageliks laeve is Roel werkzaam beejhoëgsjpannings–netbeheerder TenneT. Heej vervult hae de rol van operasjoneel installa–sie-j verantwaordelikke, met as aandachsgebied ‘t sjtökske Limburg tösse Tegele en Echt.
Zien hobby’s zien op verkansie-j gaon met eursjleurhut, skiverkansie-j met netuurlijk de apres-ski, klusse, maar vural auto’s koupe – of baeter gezag: riej-je – as ‘nne roëjen draod as Hobby door zien laeve. Zoëwaal as sjaolmodelle die Roel verzamelt, as ingkele echte auto’s. Roel bekiek, repareert en poets de auto’s. Maar oeteraard gebroek hae ze auch um in róngk te tuffe.
Zien grótste hobby is um same met femilie-j of vrinde ein lekker glaeske beer te drinke.
Adjudant René Hinssen (47) woort gebaore oppehei, maar verhoésde al flot nao Belvend, wao haeruum 20 jaor haet gewoënd. Vur de leefde is haetruuk in Tegele gaon woëne. Iers op de Plechelmussjtraot en later op de Wilderbeeksjtraot. Inmiddels 19 jaor getrouwd met zien éch Tegels maedje, Anique Ververgaert en maar leefs dreejzeuns Esper (18), Jurn (16) en Sten (13). Al haos25 jaor is René werkzaam beej Flynth, ‘n landelikaccountants– en advieskentoër. Genne daag is ‘tzelfde. Same met ôngernemers duik René in de wet- en regelgaeving en dink-e mei-j aan sjlummeoplossinge. In ziene vreeje tiéd bewaeg hae gaer. Boekse, krachtraining of ein pittige veldtraining. ‘t Allerleeftste sjteit René op ’t veld beej Sc Irene.Neet allein um te voetballe, maar auch als coach van JO14-1. Angere leefhebberie-je zien met zien gezin kampeere waobeej ’n kombinaasie-j gezôchwuërt van aktief en avontuur, rielekse, spesjaalbiertje, sjpelke Hitster of kaarte. Vastelaovend is vur René miër as ’n fiës, det is tradisie-j. Same met Roel en Robert nao 11-11, jaorelang nao Kölle en inmiddels Venlo. Ze sjlaongennen daag euver.
De Hoëgheid ken René sinds René met zien nichAnique ging trouwe. Toen moch Roel mei-j met de vreejgezellendaag. Vanaaf dae tiéd is ‘t hek van de dam en hebbe ze al hiel get fiësjes gebouwd met eur manneklöp ‘Beer & Bifi’.
De konneksie-j met Robert, zienen angerenadjudant, is auch van ‘Beer & Bifi’. Eure geliékeenerzjie-j-level en ‘t feit det De Hoëgheid en Robert allebei altiéd de letste zien die nao hoés gaon, meistal same met René, haet ’nne gój-je basis gelag vur eur sjoëne vrindsjap.
Adjudant Robert Vinken, is gebaore in Tegele op 13 mei 1980 in ‘t St. Willibrordziekenhoés. Zoon van Bèr en Jessie Vinken en opgegreu-jd is hae op de Wilderbeeksjtraot. In 1986, presiés 40 jaor gelee-je, is pap mich veurgegaon as adjudant beej D’n Oeles. Al vanaaf zien 17e jaor haet hae zien groëte leefde, Yvonne Oirbans liëre kenne, ein ech Venloos maedje. Same zien ze gruëtse elders van twiëkinger, Dean (15) gebaore in Venlo en Don (12) gebaore in Tegele. Wie sjoën is det, beej ós thoéssjteit ’t dus 2-2; Tegele-Venlo.
Robert is werkzaam vur de riékseuverheid. Netuurlijk haet hae naeve ’t werk diverse hobbie’s. ‘s Zôndigsjmorges fiets ôzze kersverse adjudant met wielrenklöpke “Neet Remme”.
Daonaeve is voetbal zien groëte hobby, maar den vural langs het veld. Um te beginne gezellig met René supporter van eur klöpke Ajax. Auch is Robert aktief same met Jos Coppen en adjudant René dreejdaag in de waek as leider/jeugtrainer van de JO14-1 beej TSC Irene, wao auch ziene jóngste zoon Don voetbalt.
‘t Motto van het Oelestrio 2026 luudt: “ Vol sjpanning en enerzjie-j non-sjtop…..zette weejTegele oppe kop!’’
Op zôndaag 8 fibberwarie helt ‘t kersverse Trio zien resepsie-j in Kultureel Centrum De Haandert tösse15.00 en 18.00 oor.
Fotografie: ZEBRA Jordy Caris.
