Welkom beej Vastelaovesgezelsjap D'n Oeles, umdet Tegele ôs leef is!
"Umdet Tegele ôs leef is!"
Route Tegelsen optoch aangepas
Sociale media

Op de hoëgte blieve van nieje ontwikkelinge, producten of entree-j kaertjes?
Volg ôs op sociale media!

D’n optocht van Vastelaovesgezelsjap D’n Oeles trek op vastelaovesmaondaág via ein angere route door de Tegelse sjtraote.

De optochtkemmissie van de organiserende vastelaovesvereiniging haet heejtoe besjlaote nao rögkesjpraok met de deilnimmers. De verangering haet betrekking op ‘t letste gedeilte van de route. Wao d’n optocht iërder beej ‘t kruutspunt van de Gasthoéssjtraot en de Groëtesjtraot rechsaaf boog, geit hae now lingsöm richting Sjteyl um vervolges rechasaf te sjlaon nao de Ingersjtraot. De ontbinding is in de buurt van de Harmoniezaal, wao later oppe  middig de priésoétreiking plaats zal vinge.
De route is now als volg: Kerkhaoflaan, Raodhoéslaan, Betouwstjraot, Sjpaorsjtraot, Schoëlsjtraot, Gashoéssjtraot, Groëtesjtraot en Ingersjtraot.

Oppe website van D’n Oeles (https://oeles.nl/evenemente/groeete-optoch/) kent geej uch insjriéve vur d’n Tegelsen optoch dae op maandaág 20 fibberwarie 2023 door de Tegelse sjtraote trek.

Optochkefee
Vur wae nag twiéfelt um mei-j te doon en/of vraoge haet euver d’n optoch, is ein bezeuk aan ‘t Optochkefee op donderdaág 19 jannewarie in kefee Sintermerte (inloup vanaaf 20.00 oor) zeker de meu-jte waerd. Praote met deilnimmers, luustere nao eur ervaringe en entoesjasme, vraoge nao tips: gewoën gezellig klasjonere euver d’n optoch beej ein tas kôffie of glaeske beér: ‘t ken daen aovond allemaol vanaaf 20.00 oor.
‘t Optochkefee is gemend um d’n dörpel tösse wille en doon weg te nimme door deilnimmers en twiefelaers met mekaar in kontak te bringe. Dink-se d’r euver um (wir ens ) mei-j te doón, maar wet-se neet zoë good wie en wao te beginne of was-se d’r zoëal vur môs doón, den haop de optochtkemmissie van D’n Oeles dich op 19 jannewarie te zeén. Op 9 fibberwarie is d’r auch nag ein Optochkefee in De Aaj Mert.