Vastelaovesgezelsjap D’n Oeles kump auch dit jaor met ‘nne Tegelse Vastelaovesposter. Deze kiër is ‘t óntwerp van de hangk van fotograaf Peter de Ronde oét Tegele.
Um in sómbere corona-tiéje toch get kleur aan ‘t sjtraotbaeld te gaeve, haet D’n Oeles in 2022 bedach um ‘nne Tegelse Vastelaovesposter te laote make. De primeur waas vur beeldend kunstenaer Albert Kiefer, dae de letste jaore vural bekendheid haet gekrege as de ‘hoéze-teikenaer’ van Venlo. Aangesjpaord door de entoesi-jaste reaksies vanoét de Tegelse gemeinsjap, haet D’n Oeles besjlaote um dit gesjlaagde inisjatief ‘n vervolg te gaeve.
De niej-je Vastelaovesposter is óntworpe door d’n Tegelse fotograaf Peter de Ronde; wies vur kort werkzaam beej Zebra Fotostudio’s en ónger miër al 10 jaor hoésfotograaf van kultuurhistories jaorbook “Buun”. Elemente, die hae in de poster nao veur wól laote kómme, zien ‘t aaj-je hert van Tegele, de sjtraotvastelaovend en herkenbare aspekte van vastelaovend, die D’n Oeles as gezelsjap oétdruëg. Oeleslede oét alle geledinge van de vereiniging hebbe aan de toetsjtandkómming van deze Vastelaovesposter
mei-jgewerk: Jules Noten (nar), Jasmijn Gielen (dansgroepe) en Miek Wijnhoven (joekskepèl). Marie-Jeanne Thijssen verzörgde de visazjie-j.
De Tegelse Vastelaovesposter 2023 is in beperkte oplage gedrök op A2-formaat en zoë lang de veurraod sjtrek, vanaaf dinsdaag 31 jannewarie 12.00 oor gratis aaf te haole beej Bakker Bart en Brasserie Rach aan de Kerksjtraot, Plus Verbeeten oppe Hei en de Plusmert op Sjteyl
