Vur ‘t derde achtereinvolgende jaor kump Vastelaovesgezelsjap D’n Oeles met eine nieje Tegelse Vastelaovesposter.
Deze kier is ‘t óntwerp van de hangk van Dré Holthuijsen oét Tegele. Hae haet daobeej gebroék gemak van AI ofwaal kunsmatige intelligensie. Ut verhaol dao-achter kent geej laeze via de QR-code die op de poster sjteit. Daonaeve guëf Dré nao de prizzentasie van de poster op maondig 29 jannewari, de aovend wao-op ouch de nieje Oeleskrant wuúrt geprizzenteerd, teks en oetleg via de website van D’n Oeles.
Via de QR-code kènt geej met behölp van ugge mobiele tillefoon ouch mier te weite kómme euver de vastelaovend in Tegele, Sjteyl en Oppe Hei, noow en in ‘t verleje.
De Tegelse Vastelaovesposter 2024 is vanaaf dinsdig 30 jannewari 10.00 oor (!) graties aaf te haole beej Bakker Bart en lunchroom Rach aan de Kerksjtraot en beej de Plusmarkt in Steyl en Oppe Hei. Zoé lang de veurraod sjtrek: op = op!
