Opgerich op 11 mei 2001 en gesjtart met 11 leeje die toen allemaol vraemde van mekaar ware. Ôngertösse is de kepèl gegreüjd toet 18 muziekmaekers die ‘nnen hechtem bangk met elkaar vorme.

Dees kepèl is nauw verbônge met moodervereiniging Vastelaovesgezelsjap D’n Oeles. Det wilt neet zegke det de kepèl beej alle optraejes van Vg. D’n Oeles aanwezig is (of zoel môtte zien). In good euverlegk met mekaar wuërt jaorliks ’t programma vasgesjteld. De samewerking, die Vg. D’n Oeles met angere Tegelse kepèlle haet, wuërt volop gerespecteerd. ’t Sjteit de kepèl vreej eige optraejes te regele en die môtte zich wir neet biéte met ’t programma van de moodervereiniging.

Door ’t jaor haer wuërt d’r op de dônderdigaovend gerepeteerd in Kefee de Aaj Mert van hallef nege toet hallef ellef, ônger leiding van  Mark JacobsStan. Aansjloétend sjteit ’t idderein vreej nag ein glaeske te drinke.

Daor naeve wuërt d’r vanoét de kepèl zellef van alles geregeld en/of georganiseerd, um d’n ôngerlingem bangk te versjterke. 

Vanaaf d’n ellefde van d’n ellefde brik d’r ’nnen drökken tíed aan. Toet en met vastelaoves-dinsdig zien d’r gemiddeld zô’n 15 optraejes.

De kepel haet ’n eige besjteur met de volgende taakverdeiling:

Paul Hoeijmakers (Optredens)
Fianne Koch (Penningmeister)
Jean Denessen (Secretaris)
Mark Jacobs (Dirigent/besjteurslid)
Peter Meijboom (Besjteurslid)
Sara Engelen (Besjteurslid)
Kailey Hanraets (Besjteurslid)

Besjermhiër : Cor Jansen

Heb geej vraoge of wilt geej miër weite euver ôs kepèl, den kent geej beej ein van dees dree persoëne terech.