Riej & Traksie

De Kemmissie Riej en Traksie is verantwaordelik vur de planning en oetveuring van alle verveur tiedes ‘t Vastelaoves-sezoén. Dink heejbeej aan ‘t verveur van ôs Dansgardes, Oeles Toekomst en de Raod van 11.

Ôs kemmissie zörg d’rveur det jidderein op de diverse lokasies op tiéd wuërd gebrach en opgehaold. Heejbeej make weej gebroek van 2 böskes en ‘n vaste ploog entoezjaste sjofeurs die ‘s morges vruug, maar auch ‘s aoves laat jidderein op tiéd brink en waer ophaolt.

Zônger dees sjofeurs gen Riej en Traksie!!

Verder make we tiedes ‘t sezoén auch ‘n paar kiër gebroek van ‘n groëte touringcar as weej ôngerwaeg zien met ‘n groët gezelsjap nao bv de oetreiking van de Gouden Narrekap, Oetreiking van de Gulden Humor of ‘t Sjtadsdeiltreffe.