Vastelaovesgeselsjap D’n Oeles ken besjlis neet miër rôngk kômme zônger de sjteun van ‘t bedriéfslaeve en persoëne die eur ein werrem hert toedrage en eur jaorliks finansjeel ôngersjteune. Dae sjteun hebbe we hel nuëdig um dèt sjtök Tegelse cultuur te bewake en euver te drage op ôs kinger. Sjtel uch ens veur det d’r in Tegele genne vastelaovend mier woord gevierd. Dao môs ze toch neet aan dinke.
De organisasie van evenemente kos heng vol geld. Dink maar ens aan de sjoënen optoch dae jidder jaor op vastelaovesmaondig door de Tegelse sjtraote trek en hoë hônderde vreejwilligers maonde mei bezig zien. Ouch de organisasie van o.a. ut Prinsebal, Jeugprinsebal, de KBO-seniorezitting, de Zitting beej de Niej-je Mungk en de versjillende aktiviteite die weej in de Harmoniezaal organisere, koste ut nuëdige.
Moch geej ôs wille sjteune, kent geej altied contac met ôs op neme. Klik heej veur op ut envelöpke ongeraan.
Sjponsorkemmissie:
Pascal Hermans (Veurzitter)
Stan Hanraets
Harry Jacobs
Maarten Ottenheijm
