Inmiddels is minnig vastelaovesvierder alwir op paád gewaes en auch weej zien al volop aan de geng um de tradiesjonele Groëte Tegelsen Optoch wir ’t hoëgtepunt van de vastelaovend te laote waere! En det geit ongetwiéfeld lökke! Same met uch: ‘t publiek, de deilnimmers en alle vreejwilligeres. Same make weej d’r wir ein geweldig fiës van. ’t Is auch geweldig det weej al um ôs haer gehuërd hebbe det d’r alwir nieje deilnimmers sjtaon te trappele maar auch det d’r al deilnimmers zien die al miër as 50 jaor meitrekke. Dao kries-se toch kiepevel van! Weej zien dao beej D’n Oeles en ôs zustervereiniginge versjrikkelijk gruëts op.

Vreejwilligers gezôch:

Names gans Tegele doon weej idder jaor ein beroop op ein flink aantal vreejwilligers. En idder jaor zien weej op zeuk nao nieje enthouzjaste minse die dit pesjtakel meugelik wille make. Naeve de kangk beej belangriéke punte, as zjurielid, wage-begeleiding en nag miër. Zônger vreejwilligers, gennen optoch. Wils dôw auch dien beejdrage doon? Den laot ’t ôs weite! Tegele zal dich dankbaar zien.

Weej vertrouwe d’r op det auch dit jaor wir genôg minse mei wille hellepe met dit grandioos fiës.

Vastelaovesgroet,

Dirk Stevens
Rob Verlinde
Twan Ververs
Jochem Gommans
Jip Gerards

Optochkemmissie V.G. D’n Oeles
optocht@oeles.nl