Leef Optochdeilnimmers en aspirant optochdeilnimmers,
De aolieböl zien op, de kribsjtal en de körsbaum wir oppe zölder. Vur mennig Limburgse mins beteikent det maar ein dink… de échte fiësdaag kômme d’r aan! Vastelaovend kump now gauw doënderbeej en det beteikent auch ‘t absolute hoëgtepunt: De groëte Tegelsen Optoch!
‘t Moment det de vastelaovend in Tegele de sjtraote op trek en vur gans Tegele te zeen is. Doot mei! Zônger uch, gennen optoch. Weej vertrouwe d’r op det weej auch dit jaor wir eine geweldigen optoch taegemood kenne zeen en de greuj van de letste jaore meuge doorzette!
Tegele laot dich zeen! Is neet vur niks ôs motto van dit jaor.
Laot dich zeen via: https://oeles.nl/evenemente/groeete-optoch/insjrieve/
… of kôm op 21 jannewarie nao de Aaj Mert beej Ien aan de Aaj Mertsjtraot nummer 1. Vanaaf ach oor zien weej dao en kent geej uch insjriéve en uch vraoge sjtelle. Van zellefspraekend kenne weej d’r den auch ein glaeske (beer) op prooste!
Auch zien weej nag altiéd op zeuk nao entoezjaste vreejwilligers: auch zoë kent geej uch sjteinke beejdrage aan d’n Tegelse vastelaovend. Meld uch via optocht@oeles.nl as ge op vastelaovesmaondaag ein paar eurkes mei-j wilt hellepe. Zoë-as geej wellich weit zien d’r auch nieje regels vur verzekeringe en keuringe: https://oeles.nl/nieje-regels-en-optochregelement-vanaaf-2025/
Vastelaovesgroet,
Names de optochkemissie,
Dirk Stevens (vz)
Rob Verlinden
Twan Ververs
Jochem Gommans
Jip Gerards
